Lyarscena: Betty Mouat - Med revna segl over Nordsjøen | Svanøy

Nye og gamle verk inspirerte av forteljinga om shetlandske Betty Mouat som skulle til Lerwick til legen, vart overraska av uveir, og dreiv i land på Lepsøya på Sunnmøre.

Lyarscena er Sunnfjords best bevarte hemmelegheit. 

Du veit det kanskje ikkje, men Sogn og Fjordane har ei ganske så spesiell distriktsmusikarordning som ikkje finst så mange stader i landet. Distriktsmusikarane bidreg til Den kulturelle skulesekken, det frivillige musikklivet, kulturskulen, spelemannslag, kor, korps, opera og orkester – dei er utøvande musikarar på øvste hylle. 

Som lærarar treffer dei om lag 250 elevar kvar veke, og som musikarar kanskje så mykje som 16-20.000 publikummarar i året. 

Lyarscena er overflodshornet, der dei får spele med hjarte og sjel. No tar distriktsmusikarane i Sunnfjord Lyarscena ut på turné i distriktet Sunnfjord, til nokre utvalde stader: Førde, Svanøy, Holmedal og Askvoll.

Vi kallar det «Frå scena til sjela, store opplevingar på små stader»